Stream/Download #AFF Intro
Audiomack - https://audiomack.com/dizastavina/song/a-father-figure-official-album-intro
Mdundo - https://mdundo.com/song/2790186
Other Musical contents
Audiomack - https://audiomack.com/dizastavina
Boom play - https://www.boomplay.com/artists/3288611
YouTube - https://youtube.com/c/dizastavina
Mdundo - https://mdundo.com/a/2263
Spotify - https://open.spotify.com/artist/1IC2bcgWHOl0i4YUndZLfI
Apple music - https://music.apple.com/us/artist/dizasta-vina/1572598960
Deezer - https://www.deezer.com/artist/67967532
Spotify Playlist - https://open.spotify.com/playlist/37i9dQZF1DZ06evO0XFEJi
Genius - https://genius.com/DizastaVina
Connect with Dizasta Vina on social medias
Instagram - https://www.instagram.com/dizastavina
X/Twitter - https://x.com/dizastavina
Facebook - https://web.facebook.com/dizastavina07
Business:
[email protected]
Website - https://bio.link/dizastavina
Lyrics
Natazamwa kama mgongo
Wa kuegewa kama chombo
Nikitegemewa na watoto
Lakini kwa ndani mi' ni mtoto pia
Mtoto wa katikati
Njiapanda kati ya
Ukweli na uongo
Ukubwa na udogo ama
Upofu na uchongo
Ama pumbazo na mwongozo
Katikati ya uhalisia
Na mategemeo
Karibu na jitihada
Mbali na egemeo
Sina hesabu ya mafanikio
Kila kitu ni jukumu na uwepo wangu
Ndio hukumu yangu ya leo
Sina cha thamani nilichorithi
Ila nilichonacho ni kumbukumbu ya simulizi
Na picha nilizokuwa nazo
Nilizopewa na wavuja jasho
Wasakatonge wa mwanzo kwahiyo
Nigawie masikio yako
Macho yalinipa tishio lenye manufaa kwangu
Maana nilishuhudia kufanikiwa na
Kushindwa kwa mashujaa wangu
Lakini shuhuda zilinifunza
Zilinifunza kuhusu Mashujaa
Wa karibu na mbali
Wenye nasibu za ghali
Au watabibu wa kuponya hali
Na nguvu ya kufukuza shali
Za wadhalimu na waharibifu
Wenye visu vikali
Mashujaa walisisimua sana
Lakini wapo kadhaa waliokufa
Na hawakuacha alama
Nilifunzwa kuhusu hawa
Hawa mashujaa walipanda maua
Wakilea vyema yakachipua
Na wengine usingizi ulipowachukua
Wadudu wala mizizi wakafukua
Machache yaliyofanikiwa kukua
Ndege waliyachukua
Na mengine hayakuwa mahala pema
Kwahiyo yalichomwa na jua na kuungua
Oooh hujui walimwengu walisema nini
Kuhusu hawa mashujaa wangu walioshindwa
Walisema Kaharibu
Kwakuwa shujaa kwa walimwengu
Ni yule anayeweza wakati wa kufanya
Lakini sio anayeshindwa wakati akijaribu
Kwa walimwengu shujaa
Ni yule mwenye nguvu
Asiyetoa chozi wakati wa uchungu
Asiyekosa au anayeonekana mtukufu
Kwa walimwengu ushujaa ni
Kuweza na sio kuthubutu
Kwahiyo wakati sherehe za mashujaa
Wao zikipikwa kuchochea
Hadithi za mashujaa wangu
Zilizikwa na kupotea
Kwakuwa mashujaa wangu
Hawakuvaa suti zenye nakshi na kuita
Hawakuwa na viatu vya kung'ara hivyo
Hawakupendeza kwenye jarida
Ni kama walipima ushupavu wa mashujaa
Kwa kuangalia afya za maua
Bila kujua afya za maua sio ubora
Wa anayeyajua pekee
Lakini kuna jua na mvua na ni
Ubashiri wa kujua lini vinakuja
Uhakika wa kesho, kesho yenye giza
Na hakuna anayeitambua
Shujaa wangu alileta mlo mmoja
Kuhakikisha siku haipiti, na aliweka
Tofali moja wakati wa kujenga msingi
Alifagia barabara alipambana na
Uraibu kama kamali, ulevi na madawa
Ila hadithi yake haikuvutia gazeti
Sio sawa
Ni vile nimeanza kuwa kama shujaa
Wangu nimegundua kuwa sijamaliza kujua
Ni kama nimeanza kulea wakati sikumaliza kukua
Natamani kuwa shujaa mzuri
Lakini nipo hapa kujifunza
Na pa kuanzia sipajui
Sipajui maana maelekezo ni mengi saa hii
Mara jikaze wewe, baba halii
Mara utapoteza nafasi, watu hawatanii
Mara kwanini usifanye kama nanihii
Ona mtoto wake amenanihii
Bahari ya elimu ni pana kuushinda upeo
Kulia matarajio, kushoto mategemeo
Bado najifunza sipo mbali
Ila sijui lini nitakuwa tayari
Inaniwia kuweka kipimo
Cha kujua kipimo kiundani
Kupima usahihi na wito
Ninaposema hadharani
Unawaandaaje watoto kwenda mitaani
Kwa sababu kuliko kuwa mkata maua vitani
Ni bora kuwa mwanajeshi kwenye bustani
Nini maana ya kuwa baba
Ikiwa bado najifunza
Kutosherehekewa nikishinda
Ila kusakamwa nikianguka?
Hata nikipendwa au nikichukiwa
Ni sawa ila si vyema nikapuuzwa
nimechelewa ila ni vyema
Nimejua kuwa baba hazaliwi
Anaundwa
