شاب عبقري بينفذ اكبر عملية سرقة للبترول في التاريخ وبيكسب مليارات

 

في كوريا الجنوبية، فيه تحت الارض خط انابيب لنقل البترول بطول 1200 كيلومتر، وشركة كرود للبترول بتحول كميات مهولة من البترول عن طريق الخط ده لمدن كتيرة جدا اسبوعيا، وكان فيه مجموعة من الناس معروفين بقدرتهم علي حفر الانابيب دي من غير ما يتم كشفهم، بيقدرو انهم يعملو فتحات في خط الانابيب ويسحبو منه كميات كبيرة من البترول ويتاجرو بيه، والموضوع ده وصل لواحد اسمه (سترو) كان عاوز يستغل الموضوع ده ويعمل من وراه فلوس، فبيطلب اشهر حفار بيقوم بالعملية دي، بس اللى بيجيله واحد تاني اسمه (جيب ساي) ومنتحل شخصية الحفار، ولما بييجي يستخدم الشنيور ويعمل فتحة في خط الانابيب، بيحصل تسريب والمكان بيولع وعلي ما بيخرج هو و(سترو) بسرعة كان حصل انفجار، بس علي ما (جيب ساي) خرج كانت رجله اتحرقت. ملخص فيلم : Pipeline