Lomba Madihin
Kampoeng Seni Boedaja
Universitas Lambung Mangkurat
No Urut : 5
Nama : Muhammad Amin
Para sholihin tantulah alim
Nang baljaran batulis bakata
Dalam lomba madihin ksb_ulm
Tema nya ketahanan seni tutur lisan kita
Jadi bamula bagamat mambawa akan, supaya tunang jalas di dangar barataan, lawan bagamat nang ulun mamikirakn, supaya tunag mampas tata tertib wan aturan, jadi pang tabi di pasang imbah hadian, ayuha tu ulun batarus mambawa akan
Assalamu alaikum ulun ucap ulun sambat,
Jadi para penonton tolong jawab pang bgamat, para dewan juri nang bungas langkar sangat, lawan buhan pian un mambari hormat, sarta saluruh panonton para ikhwan para akhwat. selamat manyimak lawan jua malihat
Jadi salanjut nya mamacah kambang hadian,tantu pantun pang di pacah tarus di malayukan,ujar ulun tadi supaya pas aturan, tapi nang panting nang un harapakan supaya nampak jalas topik pambicaraan
Para sholihin tadi tentulah alim
Jadi nang baljaran batulis bakata
dalam lomba madihin ksb ulm
Tema nya katahanan seni tutur lisan kita
Jadi di sini kita tantu tahu haja, kaya apa ka adaan buhan kaum pamuda, tentang minat nya terhadap seni budaya, nang tarutama seni tutur lisan kita, ini bakurang minat dalam mampalajari ny, jadi dimapa kita mancari cara, supaya tu kembali ini samangat pemuda ,untuk mampalajari seni tutur lisan kita, contoh nya tu balamut, madihin, dan sabagai nya, karna tutur lisan jalas banyak macam nya, jadi nang un bahas di sini sabuting haja, barupa madihin nang ini nang utama, ayo kita balajar kapada nang ahli nya, tampulu ada pamadihin nang tuha, nang jalas tahu ilmu nang pakem nang asli nya, kada sekedar di sosial media, yang kadang tu kaluar jalur pakem wan rukun nya, jadi di sini ayo para pemuda ayo kita lestarikan seni budaya banua
Adapun cara kita mempertahan kan, seni tutur lisan nang tadi di padahakan, kita bawa sesuai aliran zaman, supaya penonton kada merasa bosan, umpama tu nang anum katuju balulucuan, ayo kita bawa nang kaitu sabagian, umpama tu nang tuha katuju ka agamaan, nang kita bawa barupa papadahan, jadi tu panonton kd munyak parasaan, lawan ada jua daya tarik kesenian, otomatis pang berkembang seni budaya tutur lisaaan
Berhubung pula ulang tahun ksb, di sini ada pula acara aruh seni, dan diesnatalis ke 12 sudah pasti, semoga lancar sesuai kehendak hati, mudahan tahun depan terlaksana kembali, kampung seni budaya moga lebih maju lagi , ulun doakan dengan tulus dari hati, gasan panitia binian atau lelaki, mudahan tulah pian lakas balaki babini
Ayuha ulun cukup smpai disini, amun ada salah dalam madihin ini, baik panyampaian nang ada di dalam isi, klo ada manyinggung nang sampai kadalam hati, ulun minta ridha jua minta maafi, handak ulun pasang pantun nang maakhiri, agas sasuai tata tertib urang bahri mudahan taganang tapikir dalam diri
Manampa wasi di jadiakan tajak
Kanapa daun sirih di atas papan
Ulun permisi dahulu bamandak
Sadang pang ba ampih nang baparlahan
Sadang ba mandak sadang ba ampih nang ba parlahan
