朱智賢自爆偷食人夫原因：抽離唔到角色
前港姐朱智賢背着男友謝東閔偷食人夫黎振燁，在車廂食蛋糕事件曝光後，朱智賢受盡千夫所指，曾哭求男友原諒，「被劈腿」的謝東閔終心軟，今日在無綫安排下，兩人在電視城開記者會作出交代。
謝東閔陪同女友開記者會。
朱智賢個樣殘爆。
二人一黑一白造型現身，先讓傳媒拍照，謝東閔說：「好擔心佢承唔承受到壓力，佢已經將成件事講咗我聽，我會陪住佢走過呢一關（女方低頭喊）。自己都有責任，掛住工作，疏忽咗佢，佢係一個好女仔，好勤力嘅人，希望大家畀個機會佢，畀佢反思吓，希望佢繼續喺TVB工作。」
兩人十指緊扣。
喊到咁。
朱智賢翹實謝東閔。
被萬箭穿心，朱智賢即喊住講：「對唔住，令大家失望對唔住，我知自己做錯嘢，我對唔住錫我嘅人，對唔住畀機會我嘅人，背負咗公司，要向呢件事受傷害嘅人講對唔住。」朱智賢說話期間，謝東閔十指緊扣女友，為對方打氣。
謝東閔仲係對朱智賢關懷備至。
而無綫高層樂易玲一直都有陪伴兩人，但沒有步入記者室內，當記招完畢，傳媒步出記者室欲上前訪問樂易玲，她沒有回應轉身離開。
朱智賢同謝東閔再受訪。
近日被爆搭上人夫黎振燁的藝人朱智賢，今日與男友謝東閔在電視城開記招道歉後，兩人再接受無綫節目《東張西望》的訪問，朱智賢全程邊說邊流眼淚，她說：「我承認因為拍劇而導致依家咁樣，覺得自己經驗唔夠，演戲經驗唔多，唔夠專業搞成今時今日咁樣，我覺得自己抽離唔到個角色，好多謝Brian（謝東閔）喺呢段時間陪住我，因為我知道佢其實承受咗好多，比我更加難受更加痛苦。」
朱智賢爆喊。
問有否覺得令到家人擔心？她說：「我最想同屋企人講對唔住，好唔想因為我自己嘅事影響到屋企人，我記得我即時Send短訊畀我爹哋，我好驚影響到佢，唔想屋企人畀人講閒話，我唔想因為我一個人嘅事影響到我身邊嘅人，同埋我好想同劇入面嘅演員講對唔住，仲有監製講對唔住，因為我嘅唔專業而連累到大家，我以後會做番好啲，希望大家畀個機會我。（會唔會好忟自己犯呢個錯失？）我真係好後悔、好內疚，我都接受唔到自己犯呢個錯。」
希望大家畀次機會佢！
朱智賢同黎振燁合作新劇日久生情。
至於謝東閔就繼續力撐對方：「盡量唔使工作嘅時候會陪佢多啲，因為呢段日子都唔係咁易過，可能受到出面好多壓力，我希望呢段時間都可以陪佢一齊走過呢個階段。」
謝東閔力撐朱智賢。
謝東閔仲話會陪住朱智賢。
另外，謝東閔出席完記者會，在社交網上載一張史泰龍的相片，並引用電影洛奇電影系列的電影金句，表示：「it ain't about how hard you hit , its about how hard you can get hit and keep moving forward（它不是在於你受到多大的打擊，而是在於你受到多大的打擊而不斷前進）」
---------------------------------------
▶FB: https://www.facebook.com/onccnews/
▶IG: https://www.instagram.com/hk.on.cc/
▶安裝「東網」APP http://on.cc/redirect/oncc
▶安裝「東網電子刊物」APP http://on.cc/redirect/epaper
#東網 #東網視頻
