ПИТА СО ВИШНИ ПРЕЛИЕНА СО ШЕРБЕТ
•500 г кори за баклава
•500 г одмрзнати вишни
•4 јајца
•200 г шеќер
•200 мл кисела павлака
•200 мл масло за јадење
•1 прашок за печиво
ЗА ШЕРБЕТ
•600 г шеќер
•500 мл вода
•1 лимон
Во тенџере на оган ги ставаме шеќерот и водата. Половина лимон цедиме во цедалка и го додаваме сокот во тенџерето. Го вариме шербетот 10-тина минути и оставаме да се излади. Во сад за матење ги кршиме јајцата и матиме со миксер. Постепено го додаваме шеќерот и матиме додека не се растопи. Ги додаваме киселата павлака, маслото и прашокот за печиво, и матиме додека смесата не се соедини. На работна маса ставаме една кора и ја премачкуваме со подготвената смеса. Една врз друга редиме уште две кори премачкани со смесата. На едниот крај од корите нанесуваме вишни. Ги свиткуваме краевите на корите кон внатрешноста и виткаме ролат. Го ставаме во правоаголна тава бр 40. На истиот начин подготвуваме уште 4 ролати и ги редиме во тавата. Ја ставаме тавата во рерна. Печеме 30 минути на 200 степени и ја вадиме од рерна. Ја сечеме топлата пита на парчиња и ја преливаме со изладениот шербет. Оставаме да се излади и да го впие шербетот. На чинија за сервирање ставаме две парчиња пита со вишни. Преливаме со преостанатиот шербет од тавата и декорираме со полукругови лимон.
Со овој десерт ви предлагаме да се напиете квалитетно суво бело вино. Се служи на температура од 10-12 степени.
Добар апетит.
www.hranaivino.com.mk
www.hranaivino.tv
Subscribe for upcoming recipes:
https://www.youtube.com/channel/UCzUEzJoHvYCl9rTX2w1XNiA
Follow us:
Facebook: https://www.facebook.com/hranaivino
