HONG KONG MIDNIGHT CAR MEET -【香港汽車文化聚會】

 

【香港就係需要有汽車文化交流聚會!!】 先唔講果D係條街度亂咁黎又逆線仲拍埋片擺上網既一少撮人，其實係香港有好多車主，都花左好多心機同時間落自己架車度，為既就只係想整靚D架愛驅，然後出席車聚同其他車主交流心得! 並非坊間所描述既準備進行非法賽車活動。 我地每次出席車聚都係遵守合法車速，循規蹈矩咁去玩。但當聽到話邊度邊度set左Road Block等緊你地出黎就好似見鬼咁，點解揸自己部愛驅出街好似做賊咁其實為乜? 跟住好自然就會有人走出黎同你講，如果你架車係原裝既你洗乜驚? 我只能講: 你真係天真過天真嬌。阿Sir一句懷疑你非法改裝，理得你係咪全原裝，已經可以收你皮，等收驗車信或即時勾車! 當過時既法例及公眾對車聚文化既誤解，導致有時候只係幾架同款車泊埋一齊影相，吹下車經都被標籤成非法賽車，係咪代表香港已經無空間容納汽車文化活動? 其實出席得車聚活動既每一架車都反映著車主既態度及對汽車既熱誠，不論係日本車定歐洲車，試問如果架架車都一式一樣毫無特色，最多只係車身顏色唔同，咁既交流聚會仲有咩意義呢。 INITIALP - It's all about Passion 【汽車資訊媒體】http://www.initialp.hk 【Facebook】 http://www.fb.com/www.Initialp.hk 【IG】http://www.instagram.com/initialp.hk/ 【駕駛資訊互動平台APP】 學神到車主必備手機App，用家可分享各類駕駛資訊，如交通消息，油站，停車場位置，汽車服務，遊車河等實用及玩樂資訊，増添駕駛樂趣。 【iOS】 https://goo.gl/pbneqf 【Android】 https://goo.gl/mV4uwf